ថ្ងៃពុធ ទី២៥ ខែឧសភា ឆ្នាំ២០២២
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 368 33 63 / 096 577 66 69
សាហាវពេកណាស់ឃាតកម្មសម្លាប់មនុស្ស០៣នាក់ របួសធ្ងន់០១នាក់ និងបាត់ខ្លួន០២នាក់ កក្រើកភ្ញាក់ផ្អើល ក្នុងខេត្តមណ្ឌលគិរីដែលមិនធ្លាប់មាន មហាជនសង្ឃឹម និងជឿជាក់ថា សមត្ថកិច្ចថ្នាក់ខេត្ត ពិតជាអាចស្រាវជ្រាវ រកក្រុមឧក្រិដ្ឋជនយកមកផ្តន្ទាទោសតាមច្បាប់
Thu,03 February 2022 (Time 03:26 PM)
ដោយ ៖ សហការី (ចំនួនអ្នកអាន: 79នាក់)

ក្លាយជារឿងព្រឺសម្បុរធ្វើឲ្យប្រជាពលរដ្ឋជាច្រើនមានការភ័យបារម្ភជាខ្លាំង ខណៈដែលទឹកដីខេត្តមណ្ឌលគិរី ដែលជាទឹកដីដ៏បវរ និងសម្បូរទៅដោយភ្ញៀវទេសចរណ៌មួយមិនធ្លាប់មានរឿងរ៉ាវដ៏រន្ធុត នៅពេលនេះត្រូវបាន ល្បីសុះសាយរឿងរ៉ាវឃាតកម្មដ៏ឃោឃៅសាហាវព្រៃផ្សៃវាយសម្លាប់សូម្បីតែកូនក្មេងក៏មិនលើកលែង ធ្វើឲ្យ ពលរដ្ឋអ្នកដែលបានដឹងរឿងទាំងអស់នោះ ផ្តើមមានអារម្មណ៌ភ័យខ្លាចគ្រប់ៗគ្នា ។

តាមព័ត៌មានដែលកំពុងបានបន្តចែករំលែកតាមបណ្តាញព័ត៌មានអនឡាញបានឲ្យដឹងថា មានករណីឃាត កម្មដ៍សាហាវមួយ បានបណ្តាលឲ្យមនុស្សស្លាប់ចំនួន០៣នាក់ របួសធ្ងន់០១ និងបាត់ខ្លួន០២នាក់ នៅវេលា ម៉ោង១១ និង៣០នាទី ថ្ងៃទី០១ ខែកុម្ភះ ឆ្នាំ២០២២ នៅចំណុចស្រែចោត ភូមិមេប៉ៃ ឃុំពូជ្រៃ ស្រុកពេជ្រាដា ។

ជនរងគ្រោះទាំងចំនួន០៦នាក់នោះ មានឈ្មោះដូចខាងក្រោម : ១.ឈ្មោះ ម៉ូត ក្រាក់ ភេទប្រុស អាយុ៤៥ឆ្នាំ ជនជាតិព្នង ត្រូវបានស្លាប់ ។ ២.ឈ្មោះ ក្រាក់ លី ភេទប្រុស អាយុ ១៥ឆ្នាំ ជនជាតិព្នង ត្រូវបានស្លាប់ ។ ៣. ឈ្មោះ នួន សំអាត ភេទប្រុស អាយុ១៥ឆ្នាំ ជនជាតិព្នង ត្រូវបានស្លាប់។ ៤.ឈ្មោះ ក្រាក់ ស្លុី ភេទប្រុស អាយុ
១២ឆ្នាំ ជនជាតិព្នង ត្រូវបានរបួសធ្ងន់។ ៥.ឈ្មោះ និច ស្រី ភេទស្រី អាយុ៤១ឆ្នាំ ជនជាតិព្នងត្រូវបានបាត់ខ្លួន។
៦.ឈ្មោះ ក្រាក់ នី ភេទប្រុស អាយុ០៥ឆ្នាំ ជនជាតិព្នង ត្រូវបានបាត់ខ្លួន។

តាមព័ត៌មាននោះបានបន្តថា ជនរងគ្រោះឈ្មោះ ម៉ូត ក្រាក់ ត្រូវជនល្មើសបាញ់ត្រូវ០១គ្រាប់ ចំក្បាលពីខាង ក្រោយ ធ្លាយមកចំភ្នែកខាងឆ្វេង បណ្តាលអោយស្លាប់នៅនិងកន្លែង រីឯជនរងគ្រោះ០២នាក់ទៀត ត្រូវបាន
ជនល្មើសវាយនិងវត្ថុរឹង ចំផ្នែកខាងក្រោយនៃក្បាល បណ្តាលអោយស្លាប់ភ្លាមៗ, រីឯកុមារម្នាក់ទៀតរងរបួសធ្ងន់។

ទោះបីជាបែបណាក្តី កម្លាំងសមត្ថកិច្ចចម្រុះ ក៏កំពុងបានខំប្រឹងយ៉ាងស្វិតស្វាញធ្វើការស្រាវជ្រាវរកមុខសញ្ញាជន សង្ស័យយកមកផ្តន្ទាទោសតាមផ្លូវច្បាប់ផងដែរ ។

ដោយឡែកមតិមហាជនជាច្រើននៅក្នុងខេត្តមណ្ឌលគិរី ក៏បានផ្ញើសេចក្តីសង្ឃឹមលើថ្នាក់ដឹកនាំខេត្ត ថារឿងរ៉ាវ ឃាតកម្មដ៏ព្រៃផ្សៃសាហាវមួយនេះ កម្លាំងសមត្ថកិច្ចអាចនិងស្រាវជ្រាវរកក្រុមបុគ្គលទាំងអស់នោះយកមកផ្តន្ទា ទោសឲ្យបានឆាប់មិនខាន ព្រោះកន្លងមកសមត្ថកិច្ចក៏តែងមានស្នាដៃយ៉ាងល្អផងដែរ នៅក្នុងការស្វែងរកសញ្ញា យកមកផ្តន្ទាទោស ពោលគឺក្រុមបុគ្គលអ្នកដែលសាង រមែងតែងទទួលបានឈាមស្រែកហៅ ជានិច្ចផងដែរ ៕

ព័ត៌មានគួរចាប់អារម្មណ៍

ឯកឧត្តម ខៀវ កាញារីទ្ធ វាយតម្លៃចំពោះភាពវិវឌ្ឍន៍រីកចម្រើនរបស់ធនាគារពាណិជ្ជ CHIEF BANK CAMBODIA (សហការី)

ព័ត៌មានគួរចាប់អារម្មណ៍

គម្រោងវិនិយោគអភិវឌ្ឍន៍មជ្ឈមណ្ឌលភស្តុភារកម្ម និង កំពង់ផែពហុបំណងកំពត នឹងក្លាយជាកំពង់ផែទឹកជ្រៅដ៏ទំនើបលំដាប់អន្តរជាតិនៅក្នុងតំបន់អាស៊ាន (សហការី)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ត្រូវបានជ្រើសរើសជាជ័យលាភីពានរង្វាន់កិត្តិយសពិសេសរបស់ស្ថាបនិក ឆ្នាំ២០២២ នៃពានរង្វាន់សន្តិភាពស៊ុនហាក់ (សហការី)

ព័ត៌មានគួរចាប់អារម្មណ៍

ឯកឧត្តម អ៊ុន ចាន់ដា និងឯកឧត្តម ហ៊ុន ណេង អញ្ជើញសម្ពោធសមិទ្ធផលផ្លូវបេតុង ១ខ្សែ ប្រវែងជាង ២គីឡូម៉ែត្រ ស្ថិតនៅភូមិដីលើ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម (សហការី)

ព័ត៌មានគួរចាប់អារម្មណ៍

សាហាវពេកណាស់ឃាតកម្មសម្លាប់មនុស្ស០៣នាក់ របួសធ្ងន់០១នាក់ និងបាត់ខ្លួន០២នាក់ កក្រើកភ្ញាក់ផ្អើល ក្នុងខេត្តមណ្ឌលគិរីដែលមិនធ្លាប់មាន មហាជនសង្ឃឹម និងជឿជាក់ថា សមត្ថកិច្ចថ្នាក់ខេត្ត ពិតជាអាចស្រាវជ្រាវ រកក្រុមឧក្រិដ្ឋជនយកមកផ្តន្ទាទោសតាមច្បាប់ (សហការី)

វីដែអូ

ចំនួនអ្នកទស្សនា

ថ្ងៃនេះ :
76 នាក់
ម្សិលមិញ :
335 នាក់
សប្តាហ៍នេះ :
1657 នាក់
ខែនេះ :
6859 នាក់
3 ខែនេះ :
21908 នាក់
សរុប :
465684 នាក់