ខេត្តបន្ទាយមានជ័យ. នៅថ្ងៃទី ០១ ខែសីហាឆ្នាំ ២០២១មានកុងត្រូលជជុះមួយនៅចំណុចអូបីជាន់មួយកន្លែងហើយក៏បានបញ្ជាឲ្យមន្ត្រីក្រោមឱវាទ ជំរិតទាលុយដាក់ខែពីម្ចាស់រថយន្តដឹកទំនិញនិងម្ចាស់ទំនិញតាមឃ្លាំងនៅខេត្តបន្ទាយមានជ័យ ដោយតម្រូវបង់លុយប្រចាំខែក្នុងនោះមានរថយន្តដឹកទំនិញមួយចំនួនត្រូវបង់លុយ២០មុឺនក្នុងមួយខែមានចំនួនរាប់រយគ្រឿងហើយចំពោះម្ចាស់ទំនិញនៅតាមឃ្លាំងវិញគឺតម្រូវឲ្យបង់លុយចាប់ពី១លានក្នុងមួយខែៗ។

ដោយឡែកកាលពីពេលថ្មីៗនេះនៅពេលយប់ថ្ងៃទី ៣១ ខែកក្កដាឆ្នាំ ២០២១ វេលាម៉ោង ១១ និង ១៨ នាទីយប់លោក សាន្ដ វិជ្ជាសារ៉ាវុធ បានជំរិតទារប្រាក់ពីម្ចាស់ទំនិញម្នាក់ចំនួន ២លាន តែដោយម្ចាស់ទំនិញបានអង្វរសូមឱ្យបន្ធូរបន្ថយក៏ព្រមទទួលចំនួន ១ លានសិនហើយចាំពេលក្រោយចាំយកមួយលានទៀត។

ប្រភពពីម្ចាស់ទំនិញបានបន្តទៀតថា ដោយពួកមន្ត្រីទាំងនេះស្លៀកពាក់ជាឯកសណ្ឋានជិះរថយន្ត lexus ពណ៌ស្ករដែលមានផ្លាក លេខភ្នំពេញ 2AF 2367 ដើម្បីល្បាតមើលតាមដងផ្លូវប្រៀបបានដូចជាមន្ត្រីគយចល័តក្រោយពេលដែលពួកគេល្បាតបានកំណត់មុខសញ្ញារួចរាល់ហើយពួកគេក៏បានមកស្នាក់ការនៅកុងត្រូលជជុះឃុំអូរបីជាន់ដែលជាកន្លែងមន្ត្រីទាំងនោះជួបជាមួយអ្នកដឹកទំនិញទាំងនោះ។

បើតាមផ្លូវច្បាប់បានលើកឡើងថាក្នុងការដកហូតទំនិញបានលុះត្រាតែមានដីការពីព្រះរាជអាជ្ញាហើយត្រូវមានកំណត់ហេតុច្បាស់លាស់ប្រសិនបើក្នុងការដកហូតណាមិនមានដីការពីព្រះរាជអាជ្ញានិងកំណត់ហេតុច្បាស់លាស់ទីនោះគឺជាអំពើប្លន់មានស្ថានទម្ងន់ទោស។

ដូចនេះហើយក្រុមប្រជាពលរដ្ឋនិងឈ្មួញដែលរកស៊ីនៅតំបន់ច្រកអូរបីជាន់សូមសំណូមពរដល់លោកអភិបាលនៃគណៈអភិបាលខេត្តបន្ទាយមានជ័យគឺឯកឧត្តម អ៊ុំ រាត្រី មេត្តាជួយពិនិត្យនិងមើលទៅមន្ត្រីនេះផង តែងតែដើរគាបសង្កត់ធ្វើព្យុះភ្លៀងទៅលើឈ្មួញដែលរកសុីនៅតំបន់នោះទោះមានច្បាប់មិនមានច្បាប់ក៍ត្រូវបង់ដាក់ខែដែរ តាមច្រើន តាមតិច នេះបើតាមការបញ្ចាក់របស់ក្រុមឈ្មួញទាំងនោះបានប្រាប់អ្នកសារព័ត៌មានយើង៕

ជុំវិញនឹងការចោទប្រកាន់ខាងលើនេះដែរអ្នកសារព័ត៌មានយើងមិនអាចទំនាក់ទំនងសុំការបំភ្លឺពីលោកសាន្ដវិជ្ជាសារ៉ាវុធបាននៅឡើយទេ តែអង្គភាពយើងខ្ញុំនឹងរងការចាំផ្សាយបំភ្លឺពីលោកសាន្ដវិជ្ជាសារ៉ាវុធ។