ថ្ងៃអាទិត្យ ទី២៣ ខែមករា ឆ្នាំ២០២២
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 368 3363/096 577 6669
ពិតជាសមមុខណាស់ហើយ មន្ត្រីរាជការតួនាទី ដល់ទៅនាយករងសាលាក្រុងច្បារមនទៅហើយ បែរជាមានចរិកពាល ទាត់ថាស លក់ព្រីងក្មេងស្រីម្នាក់កំពប់នៅផ្សារកំពង់ស្ពឺ មហាជនចាប់អារម្មណ៌ខ្លាំងពេក ទីបំផុតអភិបាលខេត្តកំពង់ ស្ពឺ ដកមកឲ្យអានក្រដាស... លេងសិន
Sat,22 May 2021 (Time 11:44 PM)
ដោយ ៖ ចាន់ ថន (ចំនួនអ្នកអាន: 197នាក់)

ចឹងហើយមន្ត្រីចិត្តខ្លាំងសម័យឆ្នាំ២០២១ ដោយកន្លងមកគេធ្លាប់តែឮថា មន្ត្រីរាជការគឺជាអ្នកបម្រើរាស្ត្រ គឺជាអ្នក ដែលផ្តល់នូវសុភមង្គលសម្រាប់រាស្ត្រ ជាសសរទ្រូងរបស់រដ្ឋ ប៉ុន្តែផ្ទុយទៅវិញមន្ត្រីរាជការដែលមានតួនាទីដល់ទៅ នាយករងសាលាក្រុងច្បារមនម្នាក់ បែរជាប្រើចរិកកាយវិការមិនស្មើទៅនឹងប្រជាពលរដ្ឋអវិជ្ជាម្នាក់ បានទាត់ថាស ក្មេងស្រីលក់ព្រីងម្នាក់កំពប់រាយពេញដី ក្លាយជាការរិៈគន់ពីសំណាក់មហាជនជាខ្លាំង រហូតនៅទីបំផុត ត្រូវបាន លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានផ្តល់យុត្តិធម៌ជូនក្មេងស្រីដ៏កម្សត់ ដោយតម្រូវឲ្យ រូបមន្ត្រីជើងខ្លាំងរូបនោះ ក្លាយជាមន្ត្រីធម្មតា ត្រឹមតែជាមន្ត្រីអានក្រដាសទៅវិញ ។

គួរបញ្ជាក់ថា រដ្ឋបាលក្រុងច្បារមន ខេត្តកំពង់ស្ពឺ នៅថ្ងៃទី២១ ខែឧសភា ឆ្នាំ២០២១ នេះ បានសម្រេចបញ្ចប់តួនាទី លោក ឡាក់ ប៊ុនធីម ពីនាយករងរដ្ឋបាល សាលាក្រុងច្បារមន មកជាមន្ត្រីធម្មតា នៃក្រុងច្បារមន ក្រោយមន្រ្តីរូប នេះបានទាត់ថាសព្រីង ក្មេងស្រីម្នាក់កំពប់រាយពេញដី ហើយត្រូវបានបណ្តាញសង្គម ចែកចាយជាបន្តបន្ទាប់ ។

ក្នុងនោះ លោក វ៉ី សំណាង អភិបាលខេត្ដ នៃគណៈអភិបាលខេត្តកំពង់ស្ពឺ នៅព្រឹកថ្ងៃទី២០ ខែឧសភា ឆ្នាំ២០២១ បានអញ្ជើញក្មេងស្រីរងគ្រោះឈ្មោះ រី រក្សា ដើម្បីចូលជួបសំណេះសំណាល និងផ្ដល់អំណោយមួយចំនួន ជូនជា ការលើកទឹកចិត្តឡើងវិញផងដែរ ។

ប៉ុន្តែបើទោះជាមានការលើកទឹកចិត្តពីសំណាក់លោកអភិបាលខេត្តចំពោះក្មេងស្រីរងគ្រោះ ក៏ដោយក្តី ដោយឡែក មហាជនជាច្រើននៅក្នុងបណ្តាញសង្គម នៅតែទទូចសំណូមពរដល់ថ្នាក់ដឹកនាំទាំងអស់ សូមមេត្តាជួយពង្រឹង ដល់មន្ត្រីនៅក្រោមៗឧិវាទឲ្យបានហ្មត់ចត់ផងទាន ពីព្រោះថា រាស្ត្រមានបញ្ហាគឺចាំបាច់ពឹងមន្ត្រីរាជការ ដែលជា សសរទ្រូងរបស់រដ្ឋ ចុះបើនៅតែមានបុគ្គលមន្ត្រីមួយចំនួន ដូចជាករណីមន្ត្រីប្រភេទលោក ឡាក់ ប៊ុនធីម កើតមាន ទៀតនោះ តើគុណធម៌ ព្រហ្មវិហារធម៌ និងសីលធម៌ របស់មន្ត្រីរាជការ ជាអ្នកបម្រើរាស្ត្រ អាចឲ្យពលដ្ឋជឿ ជាក់បានដល់កម្រិតណា ៕

ព័ត៌មានគួរចាប់អារម្មណ៍

រថយន្តបែកកង់រេចង្កូតធ្លាក់ទឹក ១ឡានស្លាប់ទាំងអស់ 7នាក់ មានទាំងក្មេងនិងមនុស្សចាស់ ស្ថិតនៅផ្លូវ៤១ ខេត្តកំពត រសៀលថ្ងៃទី២ វិច្ឆិកា ២០២១ (ដាធី)

ព័ត៌មានគួរចាប់អារម្មណ៍

រដ្ឋមន្ត្រីក្រសួងកសិកម្មបង្ហាញពីមូលហេតុមួយចំនួនដែលកសិករមិនទាន់ទទួលបានសេវាកសិកម្មទូលំទូលាយពីក្រសួងកសិកម្ម (ដារា)

ព័ត៌មានគួរចាប់អារម្មណ៍

មន្ត្រីសាលាខេត្តព្រះសីហនុ ចំនួន ៦រូប បានប្រកាសតែងតាំង ផ្លាស់ប្តូរភារកិច្ច (សហការី)

ព័ត៌មានគួរចាប់អារម្មណ៍

មន្ត្រីបរិស្ថានឃាត់ខ្លួនជនសង្ស័យ៥នាក់ រួមនឹងរណាយន្ត៤គ្រឿង  បញ្ជូនមកកាន់មន្ទីរបរិស្ថានខេត្ត  ពាក់ព័ន្ធនឹង ករណីកាប់បំផ្លាញព្រៃឈើ ដោយខុសច្បាប់នៅស្រុកថាឡាបរិវ៉ាត់ ! (ចាន់ថន)

ព័ត៌មានគួរចាប់អារម្មណ៍

លោក សាន វិជ្ជាសារ៉ាវុធប្រធានសាខាកាំកុងត្រូលខេត្តបន្ទាយមានជ័យដែលបច្ចុប្បន្នគេហៅកាត់ថា(ក ប ប) បានកំពុងប្រើកូនចៅដែលបានដើរល្បាតតាមព្រំដែនពិនិត្យរថយន្តដឹកទំនិញណាដែលមិនព្រមបង់លុយដាក់ខែអោយហើយយកស្ថាប័នតុលាការមកគំរាមចាប់រថយន្តទុក្ខទៀត? (សហការី)

វីដែអូ

ចំនួនអ្នកទស្សនា

ថ្ងៃនេះ :
23 នាក់
ម្សិលមិញ :
332 នាក់
សប្តាហ៍នេះ :
2204 នាក់
ខែនេះ :
9010 នាក់
3 ខែនេះ :
23846 នាក់
សរុប :
434641 នាក់