ក្រោយពីទទួលបានបទបញ្ជាពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានី ភ្នំពេញ កាលពីថ្ងៃទី ២៣ ខែកុម្ភៈ ឆ្នាំ ២០២១នេះ ការិយាល័យស៊ើបអង្កេត និងអនុវត្តនីតិវិធី នេះផែនការ ការងារ អន្តោរប្រវេសន៍ ដឹកនាំដោយលោកឧត្តមសេនីយ៍ទោ ទិត វិសិដ្ឋ ស្នងការរងទទួលផែនការងារអន្តោប្រវេសន៍ និង លោកនាយការិយាល័យស៊ើបអង្កេត និងអនុវត្តនីតិវិធី បានចុះសហការជាមួយកម្លាំងជំនាញ នៃ អធិការដ្ឋាននគរ បាលខណ្ឌជ្រោយចង្វា ឃាត់ខ្លួនជនជាតិបារាំងម្នាក់ នៅចំណុចក្នុងបុរីសុភមង្គល ផ្ទះជួលលេខH១២B ផ្លូវជាតិ លេខ៦ សង្កាត់ជ្រោយចង្វា ខណ្ឌជ្រោយចង្វា ករណីស្នាក់នៅខុសច្បាប់ប្រើប្រាស់អាវុធខុសច្បាប់ និងទុកសារធាតុ ញៀនដោយខុសច្បាប់ រួមទាំងបំផ្លិចបំផ្លាញទ្រព្យសម្បត្តិរបស់អ្នកដ៏ទៃ ទៀតផង ។

ជនជាតិបារាំងដែលសមត្ថកិច្ចឃាត់ខ្លួននោះ មានឈ្មោះ BAUDRY SEBASTIEN ភេទប្រុសអាយុ៤៣ ឆ្នាំ ក្រោយ ពីឃាត់ខ្លួនរួចហើយ កម្លាំងជំនាញបានបញ្ជូនជនជាតិបារាំង ទៅវិទ្យាស្ថានជាតិសុខភាពសាធារណៈ ដើម្បីពិ និត្យរកមេរោគឆ្លងកូវីត១៩ និងឃាត់ខ្លួននៅអធិការដ្ឋាននគរបាលខ័ណ្ឌជ្រោយចង្វារ ដើម្បីរង់ចាំលទ្ធផល និង ចាត់ការបន្ត តាមនីតិវិធីច្បាប់ ។

នេះគីរ៉ាវដល់ចាប់អារម្មណ៍មួយ ដែលកន្លងមកធ្លាប់មានតែបុគ្គលជាសញ្ជិតខ្មែរប៉ុណ្ណោះ ដែលលួចលាក់ប្រើប្រាស់ អាវុធដោយខុសច្បាប់ ហើយជានិច្ចកាលផងនោះ សមត្ថកិច្ចក៏តែងបង្ក្រាបបានជាលទ្ធផលគួរឲ្យកោតសសើរ ស្រាប់តែនៅពេលនេះ ប៉ះលើបុគ្គលជនជាតិបារាំង ដែលជាជនអន្តោប្រវេសន៍ រូបគាត់បែរជាមានអាវុធខុស ច្បាប់ប្រើប្រាស់ឲ្យយ៉ាងរលូន ក្លាយជាការងឿនឆ្ងល់ជាពន់ពេក ៕