ពិតជាគួរឲ្យបារម្ភយ៉ាងខ្លាំង បើទោះជាសមត្ថកិច្ចព្យាយាមការពារទប់ស្កាត់ ក៏ដូចជាទប់ស្កាត់យ៉ាងណានោះ ផ្ទុយៅវិញ ទឹកដីកម្ពុជា ក្រុមឈ្មួញទុច្ចរិត នៅតែព្យាយាមលួចបង្ហូរចូលនូវគ្រឿងញៀនឲ្យធ្វើចរាចរនៅលើទឹកដីកម្ពុជាដដែល ។ ជាក់ស្តែង
កាលពីវេលាម៉ោង០៨ និង១០នាទី ព្រឹកថ្ងៃទី១៥ ខែមករា ឆ្នាំ២០២១ កម្លាំងជំនាញ(ក៩)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង យិន បញ្ញារិទ្ធ សហការជាមួយកម្លាំងជំនាញរបស់ស្នងការដ្ឋាននគរបាល ខេត្តស្ទឹងត្រែង និងមានការមានការសម្របសម្រួលពីលោកព្រះរាជអាជ្ញា ជេត ខេមរា បានបើកការស៊ើបអង្កេត ស្រាវជ្រាវបង្រ្កាបមេក្លោងជួញដូរថ្នាំញៀន នៅចំណុច ស្ពានទី២ (ច្រករបៀង) ស្ថិតក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹង ត្រែង ចម្ងាយប្រមាណជិត២គីឡូម៉ែត្រ ពីច្រកទ្វារអន្តរជាតិ ត្រពាំងគ្រៀល។

បើតាមរបាយការណ៍របស់សមត្ថកិច្ចនគបាលប្រឆាំងបទល្មើសគ្រឿងញៀន បានឲ្យដឹងថា: ជនសង្ស័យជាជនជាតិឡាវ ២នាក់ ត្រូវសមត្ថកិច្ចបានឃាត់ខ្លួន និងចាប់យកវត្ថុតាងថ្នាំញៀន៤១កញ្ចប់ធំ ប្រភេទមេតំហ្វេតាមីន(ICE) ទម្ងន់ប្រមាណ៤១គីឡូក្រាម ដែលជនល្មើសទម្លាក់ទុកក្នុងព្រៃ។

សមត្ថកិច្ចបញ្ជាក់ថា: ករណីនេះកម្លាំងBLO បានសហការជូនព៌ត័មានទៅកម្លាំងជំនាញរបស់ ភាគីឡាវ ដើម្បីស្រាវជ្រាវឃាត់មេក្លោង និងគូរកន ដែលរត់គេចហើយភាគីឡាវក៏បានសហការ ឃាត់ខ្លួនជនសង្ស័យទាំងពីរ មកប្រគល់ឲ្យសមត្ថកិច្ចយើងនៅចំណុច ច្រកទ្វារអន្តរជាតិកម្ពុជាឡាវ ដើម្បីបញ្ជូនបន្តមកស្នងការនគបាលខេត្តចាត់ការតាមនិតិវិធី ។

នេះគឺជារឿងរ៉ាវ និងជាក្តីបារម្ភមួយរបស់ពលរដ្ឋនៅក្នុងសង្គម ដោយហេតុថា ក្រុមឈ្មួញ នៅតែសម្លឹងឃើញទឹកដីដ៏បវរ
របស់យើង ដើម្បីលួចលាក់ឆ្លងដែនយកមកចែកចាយ ដែលពលរដ្ឋជាច្រើន សំណូមពរ សុំថ្នាក់ដឹកនាំ មេត្តាពង្រឹងការទប់ ស្កាត់ ដើម្បីសេចក្តីសុខសាន្តរបស់សង្គមយើងផង ៕