ព្រោះតែការក្រខ្សត់នឹងការខ្វះខាត ពលរដ្ឋទីទាល់ក្រម្នាក់បានមានជំងឺប្រចាំកាយអស់រយៈពេលជាង២ឆ្នាំ មិនអាច ព្យាបាលបាន ស្ថិតនៅក្នុងក្តីអស់សង្ឃឹមយ៉ាងខ្លាំង ជាក់ស្តែងណាស់ នៅថ្ងៃទី ១២ ខែមករា ឆ្នាំ២០២១នេះ មូល និធិមនុស្សធម៌ របស់ស្ថានីយ៌ទូរទស្សន៍ កែវភ្នែក អាយធីវីអនឡាញ ដែលដឹកនាំដោយលោកយាយ យិន សុខុន បានធ្វើការនិមន្តព្រះសង្ឃឆាន់ចង្ហាន់ ក៏ដូចជាសូត្រធម៌ ជូនដល់ម្នាក់នោះ ដោយសង្ឃឹមថា អាចនឹងកាត់បន្ថយ
ការស្មុគ្រស្មាញ និងជួយឲ្យរូបគាត់មានសភាពធូស្បើយខ្លះៗឡើងវិញ ។

អ្នកជំងឺដែលកំពុងរងនូវទុក្ខលំបាកប្រចាំកាយអស់រយៈពេលជាង២ឆ្នាំមកនោះ រូបគាត់មានសភាពក្សត់ក្រ ខ្វះ ខាតលុយកាក់ សម្រាប់មើលខ្លួនយ៉ាងខ្លាំង ដោយសូមអំពាវនាវស្នើសុំដល់សប្បុរសជន ទីជិតឆ្ងាយទាំងអស់ មេត្តា ជួយយកអាសារដល់រូបគាត់ ព្រោះនៅពេលនេះ រូបគាត់មិនមានអ្វី ជាទីពឹងនោះទេ ។

លោកយាយ យិន សុខុន បានប្រាប់ឲ្យដឹងថា សម្រាប់លោកយាយផ្ទាល់ ក៏ដូចជាមូលនិធិមនុស្សធម៌ របស់ស្ថា នីយ ទូរទស្សន៍កែវភ្នែក មានលទ្ធភាពត្រឹមតែបន្តិចបន្តួចប៉ុណ្ណោះ ពោលគឺ មូលនិធិមនុស្សធម៌មួយនេះ បង្កើត ឡើង ក្រោមការស្ម័គ្រចិត្តរួមគ្នា ចូលរួមចំណែកកាត់បន្ថយភាពក្រីក្រនៅក្នុងសង្គម ក៏ដូចជាជួយដល់ពលរដ្ឋទី ទ័លក្រមួយចំនួន ទៅតាមលទ្ធភាពដែលក្រុមការងារមានប៉ុណ្ណោះ ដោយឡែកតែការខ្វះខាតណាដែលមានសភាព
ធំដុំ កម្មវិធីមនុស្សធម៌មិនអាចជួយដល់ពួកគាត់ទាំងស្រុងបាននោះឡើយ ។

លោកយាយបានបន្តថា សង្ឃឹមថាព័ត៌មាន និងរូបភាពវីដេអូទាំងឡាយនេះ អាចបានការជួយពីបងប្អូន ញាតិមិត្ត អ្នកនិយមសង្គមហ្វេសប៊ុកទាំងអស់ ដែលតែងមានទឹកចិត្ត ជួយដល់អ្នកជំងឺ ដែលកំពុងរងនូវទុក្ខលំបាកជាខ្លាំងនោះ ដើម្បីឲ្យគាត់ រួចផុតពីជំងឺដ៏កាចសាហាវទាំងឡាយទាំងពួង នេះផង ៕