ថ្ងៃពុធ ទី២៧ ខែតុលា ឆ្នាំ២០២១
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 ​36 83 363
មន្ត្រីសាលាខេត្តព្រះសីហនុ ចំនួន ៦រូប បានប្រកាសតែងតាំង ផ្លាស់ប្តូរភារកិច្ច
Fri,01 October 2021 (Time 11:14 AM)
ដោយ ៖ សហការី (ចំនួនអ្នកអាន: 32នាក់)

មន្ត្រីសាលាខេត្តព្រះសីហនុ ចំនួន ៦រូប ត្រូវបានប្រកាសតែងតាំង ផ្លាស់ប្តូរភារកិច្ច នារសៀលថ្ងៃ៩រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃព្រហស្បតិ៍ ទី៣០ ខែកញ្ញា ឆ្នាំ២០២១ ក្រោមអធិបតីភាពលោកស្រី ហៀក ហ៊ីមុល្លី អភិបាលរងខេត្តព្រះសីហនុ ដោយមានការចូលរួមពីនាយក នាយករងរដ្ឋបាលសាលាខេត្ត និងមន្ត្រីការិយាល័យចំណុះសាលាខេត្តព្រះសីហនុ ។
តាមសេចក្តីប្រកាសតែងតាំង និងផ្លាស់ប្ដូរភារកិច្ចមន្ត្រីរាជការ ក្នុងរចនាសម្ព័ន្ធសាលាខេត្តព្រះសីហនុ ចំនួន ០៦រូប មានដូចជា
  ១.លោកស្រី សៅ ចណ្ណា ត្រូវបានផ្ទេរភារកិច្ច ពីអនុប្រធានច្រកចេញ-ចូលតែមួយរដ្ឋបាលខេត្ត មកជានាយិការងទីចាត់ការគ្រប់គ្រងធនធានមនុស្សខេត្ត។
២.លោក នង ឌីណារ៉ា ប្រធានការិយាល័យទំនាក់ទំនងសាធារណៈ និងពិធីការ នៃទីចាត់ការទំនាក់ទំនងសាធារណៈនិងសហប្រតិបត្តិការអន្តរជាតិ ត្រូវបានផ្ទេរភារកិច្ច មកជាអនុប្រធានអង្គភាពច្រកចេញ-ចូលតែមួយសាលាខេត្ត។
៣.លោក អ៊ុក សារ៉ាយ អនុប្រធានការិយាល័យទំនាក់ទំនងសាធារណៈ និងសហប្រតិបត្តិការអន្តរជាតិ ត្រូវបានផ្ទេរភារកិច្ច មកជាប្រធានការិយាល័យទំនាក់ទំនងសាធារណៈ និងពិធីការ។
៤.កញ្ញា ម៉ាន់ ស្រីពេជ្រ ត្រូវបានតែងតាំងជាអនុប្រធានការិយាល័យទំនាក់ទំនងសាធារណៈ និងសហប្រតិបត្តិការអន្តរជាតិ។
៥. លោក វណ្ណ សោតានុត ត្រូវបានតែងតាំង ជាអនុប្រធានការិយាល័យវិនិយោគ នៃទីចាត់ការផែនការវិនិយោគ។ ៦.លោក ណាំ វិសាល ត្រូវបានតែងតាំង ជាអនុប្រធានការិយាល័យលេខាធិការក្រុមប្រឹក្សាខេត្ត។
លោកស្រី ហៀក ហ៊ីមុល្លី អភិបាលរងខេត្តមានប្រសាសន៍ថា ការផ្លាស់ប្ដូរតួនាទីភារកិច្ចរបស់មន្ត្រី មិនមែនមានន័យថា ធ្វើខុស ឬគ្មានសមត្ថភាពបំពេញការងារនោះទេ ការផ្លាស់ប្ដូរក្នុងគោលបំណងទាញយកមន្ត្រីដែលមានសក្តានុពល ចំណេះដឹង សមត្ថភាព បទពិសោធ ន៍ និងទេពកោសល្យ ដើម្បីមានឱកាសទទួលបាននូវចំណេះដឹង បទពិសោធន៍ថ្មីៗបន្ថែមទៀតពីទីចាត់ការ អង្គភាពនានាក្នុងស្ថាប័នរបស់យើង។ ដើម្បីឈានទៅរកការជួយគាំទ្រ និងការលើកកម្ពស់ប្រសិទ្ធភាព គុណភាពនៃការបំពេញការងារក្នុងស្ថាប័នថ្នាក់ក្រោមជាតិ ស្របតាមចក្ខុវិស័យ នៃគោលនយោបាយកំណែទម្រង់វិមជ្ឈការ និងវិសហមជ្ឈការ នៅរដ្ឋបាលថ្នាក់ក្រោមជាតិ ។
ដូច្នេះអស់លោក លោកស្រី ដែលទទួលបានការតែងតាំងឬផ្លាស់ប្ដូរមុខតំណែងថ្មីនាពេលនេះ ត្រូវខិតខំបំពេញការងារឱ្យអស់ពីសមត្ថភាព លទ្ធភាព ទេពកោសល្យប៉ិនប្រសប់ផ្ទាល់ខ្លួន ដោយលើកកម្ពស់គុណភាពការងារ និងត្រូវបន្តពង្រឹងខ្សែគណនេយ្យភាពផ្ទៃក្នុងរបស់ខ្លួន ។ ពិសេសត្រូវមានគណនេយ្យភាពជាមួយប្រជាពលរដ្ឋ ដើម្បីលើកកម្ពស់ការអភិវឌ្ឍស្ថាប័ន និងការផ្ដល់សេវារហ័សប្រកបដោយគុណភាព តម្លាភាព និងភាពជឿជាក់ ដើម្បីចូលរួមចំណែកអភិវឌ្ឍន៍ប្រកបដោយចីរភាព និងការកាត់បន្ថយភាពក្រីក្រនៅមូលដ្ឋាន។
ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អាណត្តិទី៦ បាននិងកំពុងរៀបចំកម្មវិធីនយោបាយ និងយុទ្ធសាស្ត្រចតុ កោណដំណាក់កាលទី៤ ដើម្បីកំណើនការងារ សមធម៌ និងប្រសិទ្ធភាព ៕

ព័ត៌មានគួរចាប់អារម្មណ៍

រដ្ឋមន្ត្រីក្រសួងកសិកម្មបង្ហាញពីមូលហេតុមួយចំនួនដែលកសិករមិនទាន់ទទួលបានសេវាកសិកម្មទូលំទូលាយពីក្រសួងកសិកម្ម (ដារា)

ព័ត៌មានគួរចាប់អារម្មណ៍

មន្ត្រីសាលាខេត្តព្រះសីហនុ ចំនួន ៦រូប បានប្រកាសតែងតាំង ផ្លាស់ប្តូរភារកិច្ច (សហការី)

ព័ត៌មានគួរចាប់អារម្មណ៍

មន្ត្រីបរិស្ថានឃាត់ខ្លួនជនសង្ស័យ៥នាក់ រួមនឹងរណាយន្ត៤គ្រឿង  បញ្ជូនមកកាន់មន្ទីរបរិស្ថានខេត្ត  ពាក់ព័ន្ធនឹង ករណីកាប់បំផ្លាញព្រៃឈើ ដោយខុសច្បាប់នៅស្រុកថាឡាបរិវ៉ាត់ ! (ចាន់ថន)

ព័ត៌មានគួរចាប់អារម្មណ៍

លោក សាន វិជ្ជាសារ៉ាវុធប្រធានសាខាកាំកុងត្រូលខេត្តបន្ទាយមានជ័យដែលបច្ចុប្បន្នគេហៅកាត់ថា(ក ប ប) បានកំពុងប្រើកូនចៅដែលបានដើរល្បាតតាមព្រំដែនពិនិត្យរថយន្តដឹកទំនិញណាដែលមិនព្រមបង់លុយដាក់ខែអោយហើយយកស្ថាប័នតុលាការមកគំរាមចាប់រថយន្តទុក្ខទៀត? (សហការី)

ព័ត៌មានគួរចាប់អារម្មណ៍

ក្រុមគ្រូពេទ្យជំនាញ ចាក់វ៉ាក់សាំងការពារជំងឺកូវិដ១៩ ប្រចាំការក្នុងទីតាំងចំនួន៣ ក្នុងក្រុងនឹងខេត្តព្រះវិហារ ទទួលបានអំណោយភេសជ្ជះ ពីលោកមេបញ្ជាការកងរាជអាវុធហត្ថខេត្តព្រះវិហារ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
237 នាក់
ម្សិលមិញ :
104 នាក់
សប្តាហ៍នេះ :
1816 នាក់
ខែនេះ :
7307 នាក់
3 ខែនេះ :
23745 នាក់
សរុប :
411253 នាក់