ថ្ងៃអាទិត្យ ទី១២ ខែកក្កដា ឆ្នាំ២០២០
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 ​36 83 363
ដាក់ហ្គេមបាញ់ត្រីនៅតាមផ្ទះ បងៗអាជ្ញាធរគាត់ចាំខ្លាំងពេក ឥឡូវមកកើតរីកពេញផ្សារស៊ីធីម៉ល ជាន់ទី៣ ក្បែរ តុលាការរាជធានីភ្នំពេញ វិញម្តង ចាំមើលអ្នកណាហ៊ានបង្ក្រាប
Sat,20 June 2020 (Time 06:16 PM)
ដោយ ៖ (ចំនួនអ្នកអាន: 36នាក់)

កន្លងមក គេតែងឃើញទីតាំងល្បែងហ្គែមបាញ់ត្រីជាច្រើន នៅតាមបណ្តាមូលដ្ឋាន ត្រូវបានអាជ្ញាធរ និងសមត្ថកិច្ច បង្ក្រាបជាបន្តបន្ទាប់ ក្រោមបទបញ្ជារបស់អភិបាលរាជធានី ក្នុងទិសដៅការពារភាពអសន្តិសុខនៅក្នុងសង្គម ក៏ ដូចជាកាត់បន្ថយល្បែងស៊ីសង ពាលាអាវ៉ាសែ ទំនើងនានា ដែលអាចនឹងអន្តរាយដល់សង្គមគ្រួសាររបស់ពលរដ្ឋ។

ការចុះបង្ក្រាបជាបន្តបន្ទាប់នេះ គឺជារូបភាពមួយដែលបង្ហាញអំពីចំណាត់ការរបស់អាជ្ញាធរដែនដី បានធ្វើឲ្យប្រ ជាពលរដ្ឋ យ៉ាងច្រើននៅតាមមូលដ្ឋាន ក្នុងរាជធានីភ្នំពេញ មានការកក់ក្តៅ និងរីករាយសាទរជាខ្លាំង ដោយឡែក
តែទីតាំងផ្សារស៊ីធីម៉ល ដែលនៅចំកណ្តាលមុខ សាលាដំបូងរាជធានីភ្នំពេញ ដែលជាស្ថាប័នអនុវត្តន៌ច្បាប់វិញ គេ បែរជាឃើញនៅជាន់ទី៣ មានល្បែងហ្គែមបាញ់ត្រីយ៉ាងច្រើន រីកឲ្យដូចផ្សិត កំពុងក្លាយជាចម្ងល់របស់មហាជន ទូទៅ អ្នកដែលចូលទៅដល់ផ្សារស៊ីធីម៉ល និយាយពេញៗមាត់ថា ទីតាំងកន្លែងនានាគេបង្ក្រាប ហើយគេទុកឲ្យ កើតមានតែនៅលើផ្សារ មុខតុលាការរាជធានីភ្នំពេញធ្វើអី យ៉ាងអញ្ចឹង តើទីតាំងល្បែងមួយនេះ ជារបស់តុលាការ ភ្នំពេញ ឬ យ៉ាងណា ។

តាមការលើកឡើងពីអាជីវករលក់ដូនៅក្នុងផ្សារស៊ីធីម៉លជាច្រើន បានលើកឡើងថា ទីតាំងល្បែងហ្គែមបាញ់ត្រី មួយនេះ គឺគេបើកដំណើរការលេង២៤ម៉ោង ។ នៅរៀងរាល់ថ្ងៃ គេតែងឃើញមានមនុស្សម្នា ទាំងក្មេងទាំងចាស់ ចូលមកលេងយ៉ាងសកម្ម ក្នុងនោះគេមិនអាចកំណត់មុខសញ្ញាថា អ្នកដែលញៀនល្បែងខាងលើនេះ ប្រកបការ ងារអ្វីនោះទេ គ្រាន់តែដឹងថា គឺមើលទៅហាក់បីដូចជា មានភាពអនាធិបតេយ្យ ខ្លាំងពេកណាស់ ។

អាជីវករទាំងនោះលើកឡើងផងដែរថា ក្នុងនាមជាអ្នកលក់ដូរ ពួកគាត់ក៏មិនចង់ឃើញទីតាំងជាប់ក្បែរៗកន្លែងគាត់
ជាសំបុកល្បែងស៊ីសងនោះដែរ ព្រោះជាការភ័យព្រួយសម្រាប់អាជីវករគ្រប់រូប ជាក់ស្តែងណាស់អ្នកញៀនល្បែង គឺមិនដែលទិញអ្វីនោះទេ ហើយក៏ជាមនុស្សមិនអាចទុកចិត្តបាននោះដែរ ក្រៅតែពីប្រមូលផ្តុំគ្នា គឺដើម្បីតែលេង ល្បែង ប៉ុណ្ណោះ ។

ករណីខាងលើនេះ ពួកគាត់ធ្លាប់បានឃើញអាជ្ញាធរខណ្ឌ៧មករា ចុះបង្ក្រាបម្តងរួចមកហើយ ប៉ុន្តែក្រោយមកមិន ដឹងថា មានអាថ៌កំបាំងអ្វីខ្លះ ទើបទីតាំងល្បែងហ្គែមបាញ់ត្រីខាងលើ អាចបើកដំណើរការទទួលអ្នកញៀនល្បែង ភ្លូកទឹកភ្លូកដីវិញបាន ។

សម្រាប់ព័ត៌មានមួយនេះផងដែរ ប្រជាពលរដ្ឋជាច្រើន ទទូចស្នើសុំលោក ឃួង ស្រេង អភិបាល នៃគណៈអភិបាល
រាជធានីភ្នំពេញ សូមមេត្តាជួយមានចំណាត់ការ ទប់ស្កាត់ទីតាំងល្បែងហ្គែមបាញ់ត្រីខាងលើនេះ ឲ្យមានប្រសិទ្ធិ ភាពផង បើមិនដូច្នោះទេ អ្វីដែលជាបទបញ្ជារបស់ថ្នាក់ដឹកនាំ ក្នុងការបង្ក្រាបល្បែងស៊ីសង និងល្បែងបាញ់ត្រី ក្នុង រាជធានីភ្នំពេញ មិនខុសពី ចាប់កន្លែងគេ ទុកកន្លែងអញ នោះមិនខានទេ ទានម្ចាស់ ៕

ព័ត៌មានគួរចាប់អារម្មណ៍

លោក សួន សេរីរដ្ឋា អតីតមេបក្ស អំណាចខ្មែរ ត្រូវបានព្រះមហាក្សត្រ តែងតាំងជារដ្ឋលេខាធិការ ក្រសួងអភិវឌ្ឍន៍ជនបទ (ចាន់ ថន)

ព័ត៌មានគួរចាប់អារម្មណ៍

ទីតាំងសិប្បកម្មជនជាតិវៀតណាមមួយកន្លែង សិ្ថតក្នុងភូមិធម្មជាតិ ក្នុងដីឡូតិ៏តាសន កំពុងដំណើរការយ៉ាង រលូន ដោយមិនមានការរំខានពីសមត្ថកិច្ចនៅតំបន់នោះឡើយ (សួនក្រែង)

ព័ត៌មានគួរចាប់អារម្មណ៍

ប្រមុខរាជរដ្ឋាភិបាលកម្ពុជា បញ្ចប់មុខដំណែងលោកផ្កាយ៣ សៀន សុវណ្ណា ពីអគ្គនាយករង នៃអគ្គនាយកដ្ឋាន សវនកម្មផ្ទៃក្នុង នៃ ក្រសួងមហាផ្ទៃ ()

ព័ត៌មានគួរចាប់អារម្មណ៍

ចាប់ខ្លួន លោក សេង សុវណ្ណារ៉ា អតីតអនុរដ្ឋលេខាធិការក្រសួងយុត្តិធម៌ ពាក់ព័ន្ធករណីរំលោភដីសាធារណៈ របស់រដ្ឋរាប់សិបហិកតា នៅចំណុចភូមិអន្ត្រេះ ឃុំអរបួនលើ ស្រុកកោះញែក ខេត្តមណ្ឌលគិរី (ចាន់ ថន)

ព័ត៌មានគួរចាប់អារម្មណ៍

ដាក់ហ្គេមបាញ់ត្រីនៅតាមផ្ទះ បងៗអាជ្ញាធរគាត់ចាំខ្លាំងពេក ឥឡូវមកកើតរីកពេញផ្សារស៊ីធីម៉ល ជាន់ទី៣ ក្បែរ តុលាការរាជធានីភ្នំពេញ វិញម្តង ចាំមើលអ្នកណាហ៊ានបង្ក្រាប ()

វីដែអូ

ចំនួនអ្នកទស្សនា

ថ្ងៃនេះ :
46 នាក់
ម្សិលមិញ :
158 នាក់
សប្តាហ៍នេះ :
879 នាក់
ខែនេះ :
3975 នាក់
3 ខែនេះ :
14954 នាក់
សរុប :
295668 នាក់