ថ្ងៃអាទិត្យ ទី១២ ខែកក្កដា ឆ្នាំ២០២០
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 ​36 83 363
ដាក់បម្រាមហាមរថយន្ដដឹកដី និងខ្សាច់ ឆ្លងកាត់ផ្លូវ៦០ម៉ែត្រមួយរយៈ ព្រោះតែបង្កគ្រោះថ្នាក់ញឹកញាប់ពេក
Fri,19 June 2020 (Time 05:25 PM)
ដោយ ៖ (ចំនួនអ្នកអាន: 42នាក់)

រដ្ឋបាលរាជធានីភ្នំពេញ គ្រោងនឹងលែងអនុញ្ញាតឱ្យរថយន្តដឹកដី ដឹកខ្សាច់ និងដឹកថ្ម ឆ្លងកាត់លើផ្លូវ៦០ម៉ែត្រទៀតហើយ ចាប់ពីផ្លូវជាតិលេខ២៧១ ដល់ផ្លូវជាតិលេខ២ ខណៈដែលការសម្រេចមួយនេះ ធ្វើឡើងបន្ទាប់ពីមួយរយៈចុងក្រោយនេះ ប្រជាពលរដ្ឋដែលធ្វើដំណើរតាមដងផ្លូវនេះ តែងរងគ្រោះថ្នាក់ញឹកញ៉ាប់ បង្កឡើងដោយរថយន្ដដឹកដី ដឹកខ្សាច់ និងដឹកថ្ម ទាំងនោះ ។

បទបញ្ជាដ៏ថ្មីរបស់លោក ឃួង ស្រេង អភិបាលរាជធានីភ្នំពេញ បែបនេះ គឺធ្វើឡើងក្នុងកិច្ចប្រជុំមួយ កាលពីរសៀលថ្ងៃទី១៩ មិថុនា ២០២០ នេះ នៅសាលារាជធានីភ្នំពេញ ដោយរូបលោក ឃួង ស្រេង បានលើកឡើងថា កំណាត់ផ្លូវ៦០ម៉ែត្រនេះ នៅពេលដ៏ខ្លីខាងមុខនេះ យើងមិនអនុញ្ញាតឱ្យរថយន្តដឹកដី ដឹកខ្សាច់ និងដឹកថ្ម ឆ្លងកាត់ផ្លូវនេះទៀតទេ ។ ក្នុងនាមរដ្ឋបាលរាជធានី យើងមិនបានហាមឃាត់ការចាក់ដីចាក់ខ្សាច់ នៅតំបន់តំបន់អភិវឌ្ឍន៍ជើងឯកនោះទេ ប៉ុន្តែគ្រាន់តែយើង បង្វែរទិស ពីការដឹកដី ដឹកខ្សាច់ ដោយរថយន្ត មកជាការបូមខ្សាច់មកចាក់បំពេញនៅតំបន់នេះវិញ ក៏ព្រោះថា កន្លងមកយើងបានមើលឃើញថា ការដឹកដី ដឹកខ្សាច់ កាត់ផ្លូវនេះ បានបង្កឱ្យប្រឡាក់នៅលើទ្រូងផ្លូវ កកស្ទះចរាចរណ៍, គ្រោះថ្នាក់ចរាចរណ៍នឹងធ្វើឱ្យខូចផ្លូវទៀងផង ។ ដូច្នេះយើងត្រូវតែមានវិធានការ ដើម្បីរក្សាផ្លូវនេះ ឱ្យនៅតែល្អ ស្អាតជានិច្ច ខណៈដែលកំណាត់ផ្លូវនេះ កន្លងមកត្រូវបានសម្ដេច
តេជោ ហ៊ុន សែន មានប្រសាសន៍បញ្ជាក់ថា ផ្លូវនេះជាផ្លូវដែលអាចឱ្យយន្តហោះចុះចតបាន ។

លោក ចេវ ហាក់ ស្នងការរងនគរបាលរាជធានីភ្នំពេញ ក៏បានបញ្ជាក់ផងដែរថា កាលមិនឱ្យមានការដឹកដី ដឹកខ្សាច់ នៅលើកំណាត់ផ្លូវនេះ គឺពិតជាត្រឹមត្រូវ ដោយសារកន្លងមក នៅលើកំណាត់ផ្លូវនេះ អ្នកបើកបររថយន្ដដឹកដី ដឹកខ្សាច់ បានបង្កឱ្យមានគ្រោះថ្នាក់ដល់ប្រជាពលរដ្ឋជាច្រើននាក់ ។ ជាក់ស្ដែង នៅក្នុង៥ខែដើមឆ្នាំ២០២០នេះ នៅតាមបណ្ដោយផ្លូវ៦០ម៉ែត្រ ផ្ដើមពីរថយន្តដឹកដី ដឹកខ្សាច់នេះ បានបង្កគ្រោះថ្នាក់ចរាចរណ៍ សម្លាប់ប្រជាពលរដ្ឋ៥នាក់ របួសធ្ងន់៧នាក់ និងស្រាល២នាក់ ទៀតផង ។

សម្រាប់ព័ត៌មាននេះផងដែរ ប្រជាពលរដ្ឋជាច្រើន មានការសាទរ ជាមួយទៅនឹងការសម្រេចចិត្តរបស់លោកអភិ
បាល នៃគណៈអភិបាលរាជធានី ដែលអាចនឹងមានទំនុកចិត្តនៅក្នុងការធ្វើដំណើរលើផ្លូវមួយនេះ បានប្រសើរ ជាងពេលមុន ៕

ព័ត៌មានគួរចាប់អារម្មណ៍

លោក សួន សេរីរដ្ឋា អតីតមេបក្ស អំណាចខ្មែរ ត្រូវបានព្រះមហាក្សត្រ តែងតាំងជារដ្ឋលេខាធិការ ក្រសួងអភិវឌ្ឍន៍ជនបទ (ចាន់ ថន)

ព័ត៌មានគួរចាប់អារម្មណ៍

ទីតាំងសិប្បកម្មជនជាតិវៀតណាមមួយកន្លែង សិ្ថតក្នុងភូមិធម្មជាតិ ក្នុងដីឡូតិ៏តាសន កំពុងដំណើរការយ៉ាង រលូន ដោយមិនមានការរំខានពីសមត្ថកិច្ចនៅតំបន់នោះឡើយ (សួនក្រែង)

ព័ត៌មានគួរចាប់អារម្មណ៍

ប្រមុខរាជរដ្ឋាភិបាលកម្ពុជា បញ្ចប់មុខដំណែងលោកផ្កាយ៣ សៀន សុវណ្ណា ពីអគ្គនាយករង នៃអគ្គនាយកដ្ឋាន សវនកម្មផ្ទៃក្នុង នៃ ក្រសួងមហាផ្ទៃ ()

ព័ត៌មានគួរចាប់អារម្មណ៍

ចាប់ខ្លួន លោក សេង សុវណ្ណារ៉ា អតីតអនុរដ្ឋលេខាធិការក្រសួងយុត្តិធម៌ ពាក់ព័ន្ធករណីរំលោភដីសាធារណៈ របស់រដ្ឋរាប់សិបហិកតា នៅចំណុចភូមិអន្ត្រេះ ឃុំអរបួនលើ ស្រុកកោះញែក ខេត្តមណ្ឌលគិរី (ចាន់ ថន)

ព័ត៌មានគួរចាប់អារម្មណ៍

ដាក់ហ្គេមបាញ់ត្រីនៅតាមផ្ទះ បងៗអាជ្ញាធរគាត់ចាំខ្លាំងពេក ឥឡូវមកកើតរីកពេញផ្សារស៊ីធីម៉ល ជាន់ទី៣ ក្បែរ តុលាការរាជធានីភ្នំពេញ វិញម្តង ចាំមើលអ្នកណាហ៊ានបង្ក្រាប ()

វីដែអូ

ចំនួនអ្នកទស្សនា

ថ្ងៃនេះ :
63 នាក់
ម្សិលមិញ :
158 នាក់
សប្តាហ៍នេះ :
896 នាក់
ខែនេះ :
3992 នាក់
3 ខែនេះ :
14971 នាក់
សរុប :
295685 នាក់