ថ្ងៃអាទិត្យ ទី១២ ខែកក្កដា ឆ្នាំ២០២០
គេហទំព័រ ខ្លាប៉ុស្តិ៍ | ទំនាក់ទំនងចាងហ្វាងការផ្សាយ៖ 097 ​36 83 363
ពលរដ្ឋខ្មែរចំនួន៣៤នាក់ ត្រូវបានចាញ់ការលួងលោមរបស់មេខ្យល់ ថានាំទៅធ្វើការនៅប្រទេសថៃ កុំតែបាន កងទ័ពនៅព្រំដែនជួយសង្គ្រោះ កុំអីចប់ម៉ង
Thu,30 April 2020 (Time 09:26 PM)
ដោយ ៖ (ចំនួនអ្នកអាន: 64នាក់)

ចឹងបានតែថា កន្លងមកថ្នាក់ដឹកនាំជាច្រើនតែងបានផ្សព្វផ្សាយហើយ ផ្សព្វផ្សាយទៀត សុំឲ្យបងប្អូនពលរដ្ឋទាំង អស់ ប្រុងប្រយ័ត្នឲ្យបានខ្ពស់ នូវបញ្ហាសុខភាព ករណីជម្ងឺវីរុសកូវីដ១៩ ជាក់ស្តែងផងនោះ បណ្តាញព័ត៌មានជា ច្រើន បានធ្វើការផ្សព្វផ្សាយ អំពីការបិទច្រកទ្វារព្រំដែនថៃ និងកម្ពុជា ហើយមិនតែប៉ុណ្ណោះ ប្រទេសថៃក៏បាន ដាក់ប្រទេសរបស់ខ្លួននៅក្នុងគ្រាអាសន្ន ដោយបិទមិនឲ្យមានសកម្មភាពនាំគ្នាចល័តចុះឡើងផងដែរ ប៉ុន្តែរាល់ ការផ្សព្វផ្សាយទាំងអស់ គេនៅមិនបានដឹងថា តើមូលហេតុអ្វីបានជាបងប្អូនពលករមួយចំនួនមិនព្រមស្តាប់ ហើយនៅតែចាញ់ការលួងលោមរបស់ក្រុមមេខ្យល់ អូសទាញនាំចូលទៅធ្វើការនៅប្រទេសថៃ ព្រោះតែពួក គេចង់បានកម្រៃ ថ្លៃនាំមនុស្សឆ្លងដែន ដោយខុសច្បាប់ នេះ ។

តាមក្រុមអ្នកព័ត៌មានយើងរាយការណ៌មកថា ក្រោយពីបានទទួលបទបញ្ជា របស់លោកឧត្តមសេនីយ៍ឯក ឯក សំអូន មេបញ្ជាការ រង កងទ័ពជើងគោក មេបញ្ជាការយោធភូមិភាគទី៥ នៅយប់ថ្ងៃទី២៩ ខែមេសា ឆ្នាំ ២០២០ លោកឧត្តមសេនីយ៍ទោ ឈុន ម៉ៅ មេបញ្ជាការ ទិសទី១ បន្ទាយមានជ័យ បានដឹកនាំកម្លាំងយោធា ចុះទប់ស្កាត់ និងជួយសង្គ្រោះប្រជាពលរដ្ឋដែលចាញ់បោកមេខ្យល់ នាំចេញទៅធ្វើការនៅប្រទេសថៃ បានទាន់ ពេលវេលា ហើយក៏បានបញ្ជូនពលរដ្ឋទាំងនោះ ទៅស្នាក់នៅមណ្ឌលចត្តាឡីស័ក ស្រុកស្វាយចេក ផងដែរ ។

បើតាមប្រជាពលរដ្ឋដែលចាញ់បោកមេខ្យល់ទាំងនោះ បានឲ្យដឹងថា មេខ្យល់បានធានានាំពួកគាត់ ឆ្លងដែនទៅ ប្រទេសថៃ ដោយយកម្នាក់ៗ ចំនួន ២៥០០បាត តែមកដល់ចំណុចខាងលើ ភាគីថៃបានបិទព្រំដែន មិនឲ្យចូល ស្របពេលដែលប្រទះឃើញកម្លាំងយើង ឈរជើងតាមបន្ទាត់ព្រំដែនផងនោះ មេខ្យល់ក៏បានគេចខ្លួនបាត់ ។

ប្រជាពលករ ដែលចាញ់បោកមេខ្យល់ ទាំង៣៤នាក់នោះ រស់នៅក្នុងខេត្តបន្ទាយមានជ័យ ចំនួន១១នាក់, ខេត្ត បាត់ដំបង ចំនួន៤នាក់, ខេត្តពោធិ៍សាត់ ចំនួន១០នាក់, ខេត្តព្រៃវែង ចំនួន៣នាក់, ខេត្តកំពង់ចាម ចំនួន២ នាក់, ខេត្តកំពត ចំនួន៤នាក់ ។

ទោះជាយ៉ាងណា ថៃបានបន្តដាក់ប្រទេស ក្នុងភាពអាសន្ន១ខែបន្តទៀត ដោយរាប់ចាប់ពីថ្ងៃទី១ ដល់ថ្ងៃទី៣១ ខែឧសភា ឆ្នាំ២០២០ ខាងមុខនេះ ។

មហាជនជាច្រើន សូមអំពាវនាវដល់ថ្នាក់ដឹកនាំគ្រប់លំដាប់ថ្នាក់ សូមមេត្តាជួយទប់ស្កាត់ និងបង្ក្រាប ក្រុមមេ ខ្យល់ នាំពលករខុសច្បាប់ទាំងអស់នោះផង ពីព្រោះថា មេខ្យល់ទាំងអស់នោះ គឺពុំបានគិតអំពីអាយុជីវិត របស់ ពលករនោះទេ ជាក់ស្តែងឲ្យតែបានលុយថ្លៃនាំឆ្លងដែន ក្នុងម្នាក់ ២៥០០បាត គឺពួកគេព្យាយាមអូសទាញ លួងលោមគ្រប់រូបភាព ធ្វើយ៉ាងណា ដើម្បីលុយ២៥០០បាតក្នុងម្នាក់ៗ ចូលហោប៉ៅរបស់គេ គឺចប់ស្រេច ៕

ព័ត៌មានគួរចាប់អារម្មណ៍

លោក សួន សេរីរដ្ឋា អតីតមេបក្ស អំណាចខ្មែរ ត្រូវបានព្រះមហាក្សត្រ តែងតាំងជារដ្ឋលេខាធិការ ក្រសួងអភិវឌ្ឍន៍ជនបទ (ចាន់ ថន)

ព័ត៌មានគួរចាប់អារម្មណ៍

ទីតាំងសិប្បកម្មជនជាតិវៀតណាមមួយកន្លែង សិ្ថតក្នុងភូមិធម្មជាតិ ក្នុងដីឡូតិ៏តាសន កំពុងដំណើរការយ៉ាង រលូន ដោយមិនមានការរំខានពីសមត្ថកិច្ចនៅតំបន់នោះឡើយ (សួនក្រែង)

ព័ត៌មានគួរចាប់អារម្មណ៍

ប្រមុខរាជរដ្ឋាភិបាលកម្ពុជា បញ្ចប់មុខដំណែងលោកផ្កាយ៣ សៀន សុវណ្ណា ពីអគ្គនាយករង នៃអគ្គនាយកដ្ឋាន សវនកម្មផ្ទៃក្នុង នៃ ក្រសួងមហាផ្ទៃ ()

ព័ត៌មានគួរចាប់អារម្មណ៍

ចាប់ខ្លួន លោក សេង សុវណ្ណារ៉ា អតីតអនុរដ្ឋលេខាធិការក្រសួងយុត្តិធម៌ ពាក់ព័ន្ធករណីរំលោភដីសាធារណៈ របស់រដ្ឋរាប់សិបហិកតា នៅចំណុចភូមិអន្ត្រេះ ឃុំអរបួនលើ ស្រុកកោះញែក ខេត្តមណ្ឌលគិរី (ចាន់ ថន)

ព័ត៌មានគួរចាប់អារម្មណ៍

ដាក់ហ្គេមបាញ់ត្រីនៅតាមផ្ទះ បងៗអាជ្ញាធរគាត់ចាំខ្លាំងពេក ឥឡូវមកកើតរីកពេញផ្សារស៊ីធីម៉ល ជាន់ទី៣ ក្បែរ តុលាការរាជធានីភ្នំពេញ វិញម្តង ចាំមើលអ្នកណាហ៊ានបង្ក្រាប ()

វីដែអូ

ចំនួនអ្នកទស្សនា

ថ្ងៃនេះ :
72 នាក់
ម្សិលមិញ :
158 នាក់
សប្តាហ៍នេះ :
905 នាក់
ខែនេះ :
4001 នាក់
3 ខែនេះ :
14980 នាក់
សរុប :
295694 នាក់