ព្រះចៅអធិការវត្តចេតិយថ្មី ព្រះនាម ភោគ ធារិទ្ធ ហៅតាតឿ ហៅ តាតុប ព្រះជន្ម៥៣វស្សា ជាចៅអធិការ វត្តចេតិយថ្មី ស្ថិតក្នុងភូមិចេតិយថ្មី ឃុំវិហារហ្លួង ស្រុកពញាឮ ខេត្តកណ្តាល ត្រូវបានជនមិនស្គាល់អត្ត សញ្ញាណធ្វើឃាត ដោយយកខ្សែរឹត.ក បណ្ដាលឲ្យសុគតយ៉ាងអាណោចអាធម័ បង្កការភ្ញាក់ផ្អើលឡើងកាល ពីវេលាម៉ោង៨ព្រឹក ថ្ងៃទី២០ ខែធ្នូ ឆ្នាំ២០២០ នៅចំណុចលើកុដិក្នុងវត្តចេតិយថ្មី ស្ថិតក្នុងភូមិចេតិយថ្មី ឃុំវិហារ ហ្លួង ស្រុកពញាឮ ខេត្តកណ្តាល ។

តាមសេចក្តីរាយការណ៌បានឲ្យដឹងថា នៅមុនមានការភ្ញាក់ផ្អើល មានលោកយាយម្នាក់ឈ្មោះ ប៉ិច សារឿន ហៅយាយ ប៉ុក អាយុ៦៧ឆ្នាំ រស់នៅក្នុងវត្ត បានទៅនិមន្តព្រះសង្ឃរងគ្រោះ ពីក្នុងកុដិឱ្យទៅឆាន់ចង្ហាន់ពេល ព្រឹក។ ពេលគាត់ទៅដល់មុខកុដិ បានស្រែកហៅព្រះសង្ឃ ព្រះចៅអធិការ ប៉ុន្តែមិនឮសំឡេងឆ្លើយ ក៏ត្រឡប់ មកវិញ។ លុះមួយសន្ទុះក្រោយមក មានលោកយាយម្នាក់ទៀតឈ្មោះ ធ្លក យន អាយុ៧០ឆ្នាំ បានទៅហៅ ព្រះសង្ឃអង្គដដែលទៅឆាន់ចង្ហាន់ ប៉ុន្តែនៅតែមិនមានការឆ្លើយតបដដែល ។ ក្រោយពេលមានការងឿងឆ្ងល់ ក៏រុញទ្វារចូលក្នុងកុដិ ស្រាប់តែឃើញព្រះអង្គចៅអធិការវត្ត បានសុគតនៅលើគ្រែ និងមានភួយពណ៌លឿង គ្របពីលើព្រះកេស ទើបបានភ្ញាក់ផ្អើលឆោឡោ ដល់លោកយាយលោកតាក្នុងវត្ត និងហៅពុទ្ធបរិស័ទឱ្យមក មើល រួចរាយការណ៍ជូននគរបាលប៉ុស្តិ៍វិហារហ្លួង និងនគរបាលស្រុក ដើម្បីធ្វើការពិនិត្យ ។

ក្រោយពីនគរបាលទទួលបានព័ត៌មាន ភ្លាមក៏ចុះមកធ្វើការពិនិត្យឃើញថា៖ សាកសពនៅលើគ្រែ បែរព្រះ កេសទៅត្បូង ជើងស្តាំម្ខាងគងលើខ្នើយ ជើងឆ្វេងសំយុងចុះក្រោម លើផ្ទៃមុខមានស្នាមប្រឡាក់ឈាម និង លៀនអណ្តាតចេញក្រៅ មានខ្សែនីឡុងពណ៌ស(ខ្សែកន្ទុយកណ្តុរ) រិតនៅជុំវិញកសាកសព និងមានស្នាម រលាត់នៅផ្នែកទ្រូងខាងស្តាំ និង ស្នាមរលាត់សើស្បែកលើកញ្ចឹងក។

បើតាមការសន្និដ្ឋានរបស់សមត្ថកិច្ច ព្រះសង្ឃរងគ្រោះ ស្លាប់ដោយសារគេយកខ្សែរឹត.ក បណ្តាលអោយថប់ ដង្ហើមស្លាប់ ។ ចំពោះករណីខាងលើនេះ កម្លាំងផ្នែកជំនាញសហការជាមួយកម្លាំងការិយាល័យព្រហ្មទណ្ឌ កម្រិតធ្ងន់ កំពុងធ្វើការស៉ើបអង្កេត និងស្រាវជ្រាវរកមុខសញ្ញា ដើម្បីស្វែងរកជនដៃដល់ជាឃាតករ មកផ្ដន្ទា ទោសតាមនីតិវិធី ។

នេះគឺជារឿងរ៉ាវមួយនៅក្នុងសង្គម មិនគួរណាជនល្មើស ហ៊ានប្រព្រឹត្តអំពីទាំងអស់នេះ ដោយមិនខ្លាចបុណ្យ បាបសោះនោះទេ ៕