ចឹងហើយបានតែថា មនុស្សខ្លះមានសុភមង្គលដ៏ប្រសើរដូចការគិតនោះទេ ជីវិតគឺមិនខុសពីទឹកដែលដក់នៅ លើស្លឹកឈូក ដែលត្រូវរេរាំទៅតាមអំណាចខ្យល់នោះដែរ យ៉ាងណាមិញ កាលពីពេលថ្មីៗនេះ មានរឿងរ៉ាវ ហួសចិត្ត ក៏ដូចជាក្តុកក្តួលចិត្តអាណិតដល់នារីខ្មែរម្នាក់ ដែលក្លាយជាចំណីហឹង្សារបស់បុរសជនជាតិចិន ជា សង្សាខ្លួនវាយដំរាល់ថ្ងៃ ហើយជាក់ស្តែងលើកនេះ គឺហាក់បីដូចជាមានសភាពរាងធ្ងន់ជាងពេលមុនបន្តិច ។


ហេតុការណ៌មួយ បានកើតឡើងកាលពីវេលា ម៉ោង១២ និង១០នាទីយប់ រំលងអធ្រាត្រ ឈានចូលថ្ងៃសៅរ៍ ទី១៤ ខែវិច្ឆិកា ឆ្នាំ២០២០ នៅលើនារីវ័យក្មេងម្នាក់ ដោយបានរងនូវអំពើហឹង្សា រងរបួសធ្ងន់ពេញផ្ទៃមុខ ដោយសារបុរសជាសង្សាម្នាក់ វាយដំ ត្រង់ចំណុច ផ្លូវ៣២០ កែងនិងផ្លូវ១០៥ នៅក្នុងខុនដូ មួយកន្លែង ដែល មានស្លាកយីហោ ៨ប្រេសស៊ីសរ៉ូប៊ី ជាន់ទី៨ ក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ។

បើតាមប្រភពបានឲ្យដឹងថា នារីជនរងគ្រោះ មានឈ្មោះ លីន យ៉ាង ភេទស្រី អាយុ១៦ឆ្នាំ ជនជាតិខ្មែរ មុខ របរលក់កាបូបតាមអនឡាញ ស្នាក់នៅខុនដូ៨ប្រេសស៊ីស រ៉ូប៊ី មានស្រុកកំណើត នៅខេត្តព្រៃវែង រងរបួស បែកមុខ បែកមាត់សន្លប់ស្តូកស្តឹង ចំណែកឯអ្នកបង្កហឹង្សា គឺជាជនជាតិចិន ហើយក៏ជាសង្សានឹងគ្នា ផងដែរ ប៉ុន្តែគេមិនទាន់ស្គាល់អត្តសញ្ញាណ នៅឡើយទេ ។

តាមដែលមិត្តភក្កិនារីរងគ្រោះបានរៀបរាប់ប្រាប់ឲ្យដឹងថា ដំបូងឡើយនារីរងគ្រោះ បានតេហៅរូបគាត់ ឲ្យ មកជួយប្រាប់ថា សង្សាបានវាយធ្វើបាបគាត់ ហើយបន្ទាប់មកគាត់ក៏បានមកដល់ ហើយ បើកទ្វារសួរនាំ និងឃើញសម្ភារ:រាយប៉ាយអីវ៉ាន់ពាសពេញបន្ទប់ ហើយជនរងគ្រោះដេកសន្លប់នៅលើឥដ្ឋ ទើបគាត់ក៏បាន គ្រាចុះមកក្រោម ក៏បានបង្កឱ្យមានការភ្ញាក់ផ្អើលតែម្ដងទៅ ។

ប្រភពដដែលបន្តថា នារីរងគ្រោះបានស្រឡាញ់គ្នាជាមួយនឹងជនជាតិចិន ក្នុងសភាពជាប្តីប្រពន្ធ ប៉ុន្តែមិនបាន រៀបការឲ្យត្រឹមត្រូវនៅឡើយទេ ដោយបានរួមរស់ជាមួយគ្នាចំនួន៣ ទៅ៤ខែមកហើយ ហើយនារីរងគ្រោះ បានរងនូវអំពើហិង្សា ច្រើនលើកច្រើនសារមកផងដែរ ។

មិត្តភក្តិនារីរងគ្រោះ បានបន្តថា នៅពេលនេះ នារីរងគ្រោះ មានផ្ទៃពោះបីខែផងដែរ ដែលគួរណាស់បុរស ជាសង្សាប្តីដោយមិនទាន់រៀបការនោះ មានក្តីអាណិតអាសូរខ្លះ មិនគួរណាប្រើហឹង្សាជាប្រចាំយ៉ាងដូច្នោះ នោះទេ ។

ទោះជាយ៉ាងណា សមត្ថកិច្ច ក៏បានមកដល់កន្លែងកើតហេតុ ហើយផងដែរ ហើយក៏បានទៅមើលនារីរង គ្រោះដល់មន្ទីរពេទ្យ នឹងបន្តសួរនាំជនជាតិចិននៅព្រឹកថ្ងៃនេះ ដើម្បីអនុវត្ត តាមនីតិវិធីច្បាប់ ៕